Si Balak mibuhat sumala sa giingon ni Balaam, unya si Balak ug si Balaam naghalad ug usa ka torong baka ug usa ka laking karnero ibabaw sa matag halaran. …
Ug si Balaam miingon kang Balak, “Tindog tupad sa imong halad nga sunogon ug ako moadto, basin ug ang Ginoo moanhi sa pagpakigtagbo kanako. Ug bisan unsa nga iyang ipakita kanako, akong isugilon kanimo.” Ug siya miadto sa usa ka hawan nga bukid.…
Ug ang Dios nakigtagbo kang Balaam ug si Balaam miingon kaniya, “Ako nag-andam ug pito ka halaran, ug ako naghalad ug usa ka torong baka ug usa ka laking karnero sa ibabaw sa matag halaran.” …
Ug si Balaam mihimo sa iyang pakigpulong ug miingon, “Gikan sa Aram si Balak nagdala kanako, ang hari sa Moab gikan sa mga kabukiran sa silangan: ‘Dali, tungloha si Jacob alang kanako, ug dali, panghimaraota ang Israel!’…
Kay gikan sa kinatumyan sa mga kabukiran ako nakakita kaniya, gikan sa kabungtoran ako naglantaw kaniya. Tan-awa, ang katawhan nga nagpuyo nga nag-inusara, ug wala mag-isip sa ilang kaugalingon nga uban sa kanasoran!…
Kinsa ba ang makaihap sa abog ni Jacob o makaihap sa ikaupat nga bahin sa Israel? Tugoti ako nga mamatay sa kamatayon sa matarong, ug himoa nga ang akong kataposan mahisama sa iyang kataposan!”…
Ug si Balak miingon kang Balaam, “Unsa ang imong gibuhat kanako? Ako mikuha kanimo aron sa pagtunglo sa akong mga kaaway, ug ania, ikaw walay nahimo kondili nagpanalangin hinuon kanila.” …
Ug si Balak miingon kaniya, “Dali, ako naghangyo kanimo, uban kanako ngadto sa laing dapit diin didto ikaw makakita kanila. Ikaw makakita lamang sa kinaduolan nila ug dili ikaw makakita kanilang tanan, ug tungloha sila alang kanako gikan didto.”…
Ug siya midala kaniya ngadto sa kapatagan sa Sofim, ngadto sa kinatumyan sa Pisga, ug nagpabarog didto ug pito ka halaran ug naghalad ug usa ka torong baka ug usa ka laking karnero sa ibabaw sa matag halaran. …
Ug siya miadto kaniya ug didto siya nagtindog tupad sa iyang halad nga sunogon ug ang mga pangulo sa Moab uban kaniya. Ug si Balak miingon kaniya, “Unsa ang gisulti sa Ginoo?”…
Ang Dios dili tawo nga siya mamakak, o anak sa tawo nga siya maghinulsol. Nagsulti ba siya ug dili niya kini buhaton? O nagsulti ba siya ug dili niya kini tumanon?…
Siya wala makakita ug kadaotan diha kang Jacob; o makakaplag ug kasamok diha sa Israel. Ang Ginoo nga ilang Dios nag-uban kanila, ug ang singgit sa usa ka hari anaa sa taliwala kanila.…
Wala gayoy panglamat batok kang Jacob, walay pagpanagna batok sa Israel. Karon ikasulti kini mahitungod kang Jacob ug sa Israel, ‘Unsa ang nabuhat sa Dios!’…
Tan-awa, usa ka katawhan! Sama sa usa ka liyon nga baye mitindog kini, ug sama sa usa ka liyon nga laki mibarog kini sa iyang kaugalingon, ug kini dili mohigda hangtod nga kini makakaon sa tukbonon, ug makainom sa dugo sa mga napatay.”…
Ug si Balak miingon kang Balaam, “Dali dayon, dad-on ko ikaw sa laing dapit, basin pa lamang ug kini makapahimuot sa Dios nga ikaw magtunglo kanila alang kanako gikan didto.”…
