“Ang katawhan sa Israel magpahiluna sa ilang kampo, ang matag usa duol sa iyang kaugalingong bandila, uban sa mga timaan sa mga banay sa ilang katigulangan. Magkampo sila nga mag-atbang sa tolda nga tagboanan diha sa matag kilid niini. …
Ang magkampo dapit sa silangan sa adlaw mao ang bandila sa kampo ni Juda sumala sa ilang mga panon, ug ang pangulo sa mga kaliwat ni Juda mao si Nason nga anak ni Aminadab,…
“Dapit sa habagatan mao ang bandila sa kampo ni Ruben sumala sa ilang mga panon, ug ang pangulo sa mga kaliwat ni Ruben mao si Elisur nga anak ni Sedeur,…
“Unya ang tolda nga tagboanan dad-on uban sa kampo sa mga Levihanon diha sa taliwala sa mga kampo. Manglakaw sila sumala sa ilang pagpahiluna, ang matag usa sumala sa ilang mga bandila.…
“Dapit sa kasadpan mao ang bandila sa kampo ni Efraim sumala sa ilang mga panon, ug ang pangulo sa mga kaliwat ni Efraim mao si Elisama nga anak ni Amihud, …
“Dapit sa amihanan mao ang bandila sa kampo ni Dan sumala sa ilang mga panon, ug ang pangulo sa mga kaliwat ni Dan mao si Ahieser nga anak ni Amisadai,…
Kini sila mao ang katawhan sa Israel sumala sa naihap diha sa mga banay sa ilang katigulangan. Ang tanang mga naihap sa mga kampo sumala sa ilang mga panon 603,550.…
Busa ang katawhan sa Israel nagbuhat sumala sa tanan nga gisugo sa Ginoo kang Moises. Nagkampo sila sumala sa ilang mga bandila ug ingon niini ang pagpanglakaw nila, ang matag usa sa ilang panimalay, sumala sa mga banay sa ilang katigulangan.…
