Unya ang Ginoo miingon kang Noe, “Sulod ngadto sa arka, ikaw ug ang tibuok nimong banay kay nakita nako nga ikaw matarong sa akong atubangan niining maong kaliwatan. …
Kay pito ka adlaw gikan karon, paulanan nako ang yuta sulod sa 40 ka adlaw ug 40 ka gabii ug puohon nako gikan sa nawong sa yuta ang tanan nakong gibuhat nga may kinabuhi.”…
Ug si Noe ug ang iyang mga anak nga lalaki ug ang iyang asawa ug ang mga asawa sa iyang mga anak nga uban kaniya misulod sa arka aron paglingkawas gikan sa mga tubig sa lunop.…
Sa ikaunom ka gatos nga tuig sa kinabuhi ni Noe, sa ikaduha nga bulan, sa ikanapulo ug pito nga adlaw sa bulan, niadto gayong adlawa mibuswak ang tanang tinubdan sa dako nga kahiladman ug ang mga tamboanan sa kalangitan nangaabli.…
Niadto gayong adlawa si Noe ug ang iyang mga anak, si Sem, si Ham, ug si Japhet, ug ang asawa ni Noe ug ang tulo ka asawa sa iyang mga anak, misulod uban kanila sa arka, …
sila ug ang tanan nga mga mananap sumala sa ilang matang, ang tanan nga kahayopan sumala sa ilang matang, ug ang tanan nga mga mananap nga nagkamang sa ibabaw sa yuta sumala sa ilang matang, ug ang tanang mga langgam sumala sa ilang matang, ang tanang nagkalainlaing matang sa langgam. …
Ug nangamatay ang tanang unod nga naglihok sa ibabaw sa yuta, mga langgam, mga kahayopan, o mga ihalas nga mananap, tanang mga mananap nga anaa ibabaw sa yuta ug ang tanang mga tawo. …
Iyang gilaglag ang tanang butang nga may kinabuhi diha sa nawong sa yuta, tawo ug ang kahayopan ug mga nagkamang sa yuta ug mga langgam sa kalangitan, nangalaglag sila gikan sa yuta ug ang nahibilin mao na lamang si Noe ug sila nga uban kaniya didto sa arka. …
