Ang Ginoo miingon kang Moises, “Usa pa ka katalagman ang akong ipahamtang sa Paraon ug sa Ehipto. Human niana tugotan na kamo niya sa paglakaw gikan dinhi ug sa dihang palakwon na kamo niya, abugon kamo niya sa hingpit gayod. …
Ug ang Ginoo naghimo sa katawhan nga kahimut-an diha sa panan-aw sa mga Ehiptohanon. Dugang pa, ang tawo nga si Moises bantogan kaayo diha sa yuta sa Ehipto, diha sa panan-aw sa mga alagad sa Paraon ug diha sa panan-aw sa katawhan.…
Ug ang tanang kamagulangan sa yuta sa Ehipto mangamatay, gikan sa kamagulangan sa Paraon nga naglingkod sa iyang trono hangtod sa kamagulangan sa ulipon nga babaye nga anaa sa galingan ug ang tanang kamagulangan sa kahayopan.…
Apan walay bisan usa ka iro nga mousig batok kang bisan kinsa sa katawhan sa Israel, tawo o mananap. Pinaagi niini masayran ninyo nga ang Ginoo nagbuhat ug kalainan taliwala sa mga Ehiptohanon ug sa Israel. …
Ug ang tanan nimong mga alagad moanhi kanako ug moyukbo sa akong atubangan nga mag-ingon, ‘Lakaw, ikaw ug ang tanang katawhan nga nagsunod kanimo.’ Ug human niini mobiya ako.” Ug masuk-anon kaayo nga mibiya si Moises sa Paraon. …
Si Moises ug si Aaron mibuhat niining tanang mga kahibulongan sa atubangan sa Paraon. Ug gipagahi sa Ginoo ang kasingkasing sa Paraon ug wala siya motugot sa pagpalakaw sa katawhan sa Israel gawas sa iyang yuta.…