Holy Bible Words
Read The Bible Online

Exodo 10

  • Exodo 10:1
    Unya ang Ginoo miingon kang Moises, “Adtoa ang Paraon, kay akong gipagahi ang iyang kasingkasing ug ang kasingkasing sa iyang mga alagad aron sa paghatag ngadto kanila niining akong mga ilhanan, …
  • Exodo 10:2
    Ug aron makasugilon kamo sa inyong mga anak ug sa inyong mga apo kon unsa ang akong gibuhat ngadto sa mga Ehiptohanon ug ang mga ilhanan nga gibuhat nako sa taliwala nila, aron mahibalo kamo nga ako mao ang Ginoo.”…
  • Exodo 10:3
    Busa si Moises ug si Aaron miadto sa Paraon ug miingon kaniya, “Mao kini ang giingon sa Ginoo, ang Dios sa mga Hebreo, ‘Unsa ba kadugay nga magdumili ikaw sa pagpaubos sa imong kaugalingon sa akong atubangan? Tugoti sa paglakaw ang akong katawhan aron sila makaalagad kanako. …
  • Exodo 10:4
    Kay kon magdumili ikaw sa pagpalakaw sa akong katawhan, magpadala ako ugma ug mga dulon sa imong nasod,…
  • Exodo 10:5
    Ug lukpon nila pagtabon ang yuta, nga tungod niini wala nay makakita sa yuta. Kaonon nila ang nahibilin kaninyo human sa ulan nga yelo ug kaonon nila ang tanang kahoy nga nagtubo diha sa kapatagan. …
  • Exodo 10:6
    Pun-on nila ang imong mga balay ug ang mga balay sa tanan nimong mga alagad, ug sa tanang mga Ehiptohanon, nga wala pa gayod makita sa imong katigulangan bisan sa imong mga apohan sukad sa adlaw nga mianhi sila niining yutaa hangtod karon.’ ” Ug mitalikod sila ug mibiya sa Paraon.…
  • Exodo 10:7
    Unya ang mga alagad sa Paraon miingon kaniya, “Hangtod kanus-a ba nga kining tawhana mahimong usa ka bitik alang kanato? Tugoti sa paglakaw kining mga katawhan aron makaalagad sila sa Ginoo nga ilang Dios. Wala pa ba ikaw makasabot nga ang Ehipto nalaglag na?” …
  • Exodo 10:8
    Busa si Moises ug si Aaron gidala pagbalik ngadto sa Paraon ug siya miingon kanila, “Panglakaw kamo, ug pag-alagad kamo sa Ginoo nga inyong Dios. Apan kinsa ang manglakaw?” …
  • Exodo 10:9
    Si Moises miingon, “Manglakaw kami uban ang among mga bata ug mga tigulang. Manglakaw kami uban ang among mga anak nga lalaki ug mga anak nga babaye, uban ang among mga panon sa mga karnero ug sa baka kay kinahanglan nga maghimo kami ug kasaulogan alang sa Ginoo.” …
  • Exodo 10:10
    Ug ang Paraon miingon kanila, “Hinaot unta nga ang Ginoo mag-uban kaninyo kon ako magtugot sa pagpalakaw kaninyo ug sa inyong mga bata. Tan-awa, aduna kamoy daotang tuyo diha sa inyong mga hunahuna. …
  • Exodo 10:11
    Dili mahimo! Ang mga lalaki lamang ang manglakaw ug mag-alagad sa Ginoo, kay kana mao ang inyong tinguha.” Ug gipapahawa sila gikan sa atubangan sa Paraon.…
  • Exodo 10:12
    Unya ang Ginoo miingon kang Moises, “Ituy-od ang imong kamot ibabaw sa yuta sa Ehipto aron motungha ang mga dulon sa yuta sa Ehipto ug kaonon nila ang tanang tanom nga gibilin sa ulan nga yelo.” …
  • Exodo 10:13
    Busa gituy-od ni Moises ang iyang sungkod sa ibabaw sa yuta sa Ehipto ug ang Ginoo mipadala ug usa ka hangin sa silangan ngadto sa kayutaan niadtong tibuok adlaw ug tibuok gabii. Sa pagkabuntag na, ang hangin sa silangan nagdala ug mga dulon. …
  • Exodo 10:14
    Ug ang mga dulon mihugpa sa tibuok yuta sa Ehipto ug mipahiluna sa tibuok nasod. Hilabihan gayod kini ka daghan nga wala pa gayod mahitabo sukad masukad ug dili na gayod mahitabo pag-usab. …
  • Exodo 10:15
    Kay sila milukop sa tibuok yuta, hangtod nga mingitngit ang tibuok dapit, ug gikaon nila ang tanang tanom sa yuta, ug ang tanang bunga sa mga kahoy nga gibilin sa ulan nga yelo. Walay nahibilin nga butang nga lunhaw, bisan kahoy o tanom sa kaumahan sa tibuok yuta sa Ehipto. …
  • Exodo 10:16
    Unya ang Paraon mipatawag dayon kang Moises ug kang Aaron ug miingon, “Nakasala ako batok sa Ginoo nga inyong Dios ug batok kaninyo.…
  • Exodo 10:17
    Busa pasayloa ako ninyo sa akong sala sa makausa na lamang, ug pag-ampo kamo sa Ginoo nga inyong Dios nga iyang kuhaon kining kamatay nga naglaglag kanako.”…
  • Exodo 10:18
    Busa mibiya si Moises gikan sa Paraon ug nag-ampo sa Ginoo.…
  • Exodo 10:19
    Ug gipahuros sa Ginoo ang usa ka hangin gikan sa kasadpan nga mikuha sa mga dulon ug mipadpad kanila ngadto sa Dagat nga Pula, ug walay nahibilin nga usa ka dulon sa tibuok nasod sa Ehipto. …
  • Exodo 10:20
    Apan gipagahi sa Ginoo ang kasingkasing sa Paraon ug wala niya tugoti sa paglakaw ang mga anak ni Israel.…
  • Exodo 10:21
    Unya ang Ginoo miingon kang Moises, “Ituy-od ang imong kamot paingon sa langit aron adunay kangitngit sa tibuok yuta sa Ehipto, kangitngit nga mabati.” …
  • Exodo 10:22
    Busa gituy-od ni Moises ang iyang kamot paingon sa langit ug dihay hilabihan nga kangitngit sa tibuok yuta sa Ehipto sulod sa tulo ka adlaw. …
  • Exodo 10:23
    Sila wala magkit-anay ug walay bisan kinsa nga mitindog gikan sa iyang dapit sulod sa tulo ka adlaw, apan ang tanang katawhan sa Israel adunay kahayag sa ilang mga puluy-anan. …
  • Exodo 10:24
    Unya ang Paraon mipatawag kang Moises, ug miingon, “Panglakaw kamo aron mag-alagad kamo sa Ginoo. Ang inyong mga kabataan makauban kaninyo apan kinahanglang ibilin ninyo ang inyong mga karnero ug ang inyong mga baka.” …
  • Exodo 10:25
    Apan si Moises mitubag, “Ikaw kinahanglan usab nga magtugot kanamo sa paghalad ug halad nga inihaw, ug mga halad nga sunogon aron kami makahalad ngadto sa Ginoo nga among Dios. …
  • Exodo 10:26
    Ang among kahayopan kinahanglang uban usab kanamo. Walay bisan usa ka kuko nga mahibilin kay kami magkuha gikan niini aron mag-alagad sa Ginoo nga among Dios. Wala kami mahibalo kon unsang butanga ang kinahanglan sa among pag-alagad sa Ginoo, hangtod nga moabot kami didto.”…
  • Exodo 10:27
    Apan gipagahi sa Ginoo ang kasingkasing sa Paraon ug wala niya sila tugoti sa paglakaw. …
  • Exodo 10:28
    nya ang Paraon miingon kaniya, “Pahawa gikan kanako. Pagbantay sa imong kaugalingon nga dili na ikaw magpakita sa akong atubangan kay sa adlaw nga magpakita ikaw kanako, mamatay ka.” …
  • Exodo 10:29
    Si Moises miingon, “Sumala sa imong giingon, dili na ako magpakita kanimo pag-usab.”…