Holy Bible Words
Read The Bible Online

Deuteronomio 9

  • Deuteronomio 9:1
    “Pamati, O Israel! Kinahanglang manabok kamo sa Jordan niining adlawa aron sa pagsulod ug sa pag-ilog ug mga nasod nga dagko ug gamhanan kay kaninyo, mga siyudad nga dagko ug kinutaan hangtod sa langit,…
  • Deuteronomio 9:2
    Usa ka katawhan nga dagko ug tag-as, mga kaliwat sa mga Anakihanon nga inyong nailhan nga mahitungod kanila nakadungog kamo niini nga giingon, ‘Kinsa ba ang makatindog sa atubangan sa mga kaliwat ni Anak?’…
  • Deuteronomio 9:3
    Busa hibaloi niining adlawa nga siya nga mag-una kaninyo sama sa nag-ut-ot nga kalayo mao ang Ginoo nga inyong Dios; laglagon niya sila ug pukanon sa inyong atubangan busa papahawaa ninyo sila ug laglaga dayon sila, sumala sa gisaad sa Ginoo kaninyo.…
  • Deuteronomio 9:4
    “Ayaw kamo pag-ingon diha sa inyong kasingkasing, human sila mapapahawa sa Ginoo gikan sa inyong atubangan, ‘Kini tungod sa akong pagkamatarong nga gipasulod ako sa Ginoo aron sa pagpanag-iya niining yutaa,’ apan kini tungod sa pagkadaotan niining mga nasod nga giabog sila sa Ginoo gikan sa inyong atubangan.…
  • Deuteronomio 9:5
    Dili tungod sa inyong pagkamatarong o sa pagkaligdong sa inyong kasingkasing nga makasulod kamo aron sa pagpanag-iya sa ilang yuta, kondili tungod sa pagkadaotan niining mga nasod nga ang Ginoo nga inyong Dios naghingilin kanila gikan sa inyong atubangan ug nga aron mapamatud-an niya ang pulong nga gipanumpa sa Ginoo sa inyong katigulangan, kang Abraham, kang Isaac ug kang Jacob.…
  • Deuteronomio 9:6
    “Busa hibaloi nga ang Ginoo nga inyong Dios wala maghatag kaninyo niining maayong yuta aron inyong mapanag-iya tungod sa inyong pagkamatarong kay kamo gahi ug ulo nga katawhan.…
  • Deuteronomio 9:7
    Hinumdomi ug ayaw kalimti kon giunsa ninyo pagpasuko ang Ginoo nga inyong Dios didto sa kamingawan, sukad sa adlaw nga kamo migula gikan sa yuta sa Ehipto hangtod nga miabot kamo niining dapita, nagmasupilon kamo batok sa Ginoo. …
  • Deuteronomio 9:8
    Bisan didto sa Horeb gipasuko ninyo ang Ginoo ug nasuko ang Ginoo batok kaninyo nga andam siya sa paglaglag kaninyo.…
  • Deuteronomio 9:9
     Sa dihang mitungas ako sa bukid aron sa pagdawat sa mga papan nga bato, sa mga papan sa kasabotan nga gibuhat sa Ginoo uban kaninyo, mipabilin ako sa bukid 40 ka adlaw ug 40 ka gabii. Wala ako mokaon ug pan o moinom ug tubig.…
  • Deuteronomio 9:10
    Ug gihatag sa Ginoo kanako ang duha ka papan nga bato nga gisulatan sa tudlo sa Dios ug diha niini ang tanang mga pulong nga gisulti sa Ginoo kaninyo didto sa bukid gikan sa taliwala sa kalayo sa adlaw sa panagtigom.…
  • Deuteronomio 9:11
    Ug sa kataposan sa 40 ka adlaw ug 40 ka gabii, gihatag sa Ginoo kanako ang duha ka papan nga bato, ang mga papan sa kasabotan.…
  • Deuteronomio 9:12
    Unya ang Ginoo miingon kanako, ‘Tindog, pagdali ug lugsong gikan dinhi kay ang imong katawhan nga imong gikuha gikan sa Ehipto nagbuhat ug daotan. Dali silang mitipas gikan sa dalan nga akong gisugo, nagbuhat sila alang sa ilang kaugalingon ug usa ka larawan nga tinunaw.’…
  • Deuteronomio 9:13
    Dugang pa, ang Ginoo miingon kanako, ‘Nakita nako kining katawhan ug tan-awa, kini usa ka katawhan nga gahi ug ulo. …
  • Deuteronomio 9:14
    Pasagdi ako aron laglagon nako sila ug papason nako ang ilang ngalan gikan sa ubos sa langit ug buhaton ko ikaw nga usa ka nasod nga gamhanan ug dako pa kay kanila.’ …
  • Deuteronomio 9:15
    Busa mibalik ako ug milugsong gikan sa bukid, ug ang bukid nagdilaab sa kalayo, ug ang duha ka papan sa kasabotan diha sa akong duha ka kamot.…
  • Deuteronomio 9:16
    Ug mitan-aw ako, ug tan-awa, nakasala kamo batok sa Ginoo nga inyong Dios. Nagbuhat kamo ug usa ka nating baka nga tinunaw; mitipas dayon kamo gikan sa dalan nga gisugo sa Ginoo kaninyo. …
  • Deuteronomio 9:17
    Busa gikuptan nako ang duha ka papan ug gisalibay nako kini gikan sa akong duha ka kamot ug gidugmok kini nako atubangan sa inyong mga mata.…
  • Deuteronomio 9:18
    Ug mihapa ako sa atubangan sa Ginoo sama sa una, 40 ka adlaw ug 40 ka gabii. Wala ako mokaon ug pan o moinom ug tubig tungod sa tanan ninyong sala nga inyong gibuhat, sa inyong pagbuhat ug daotan diha sa panan-aw sa Ginoo aron sa pagpasuko kaniya.…
  • Deuteronomio 9:19
    Kay nahadlok ako sa kasuko ug sa hilabihang kapungot nga gibatonan sa Ginoo batok kaninyo nga andam siya sa paglaglag kaninyo. Apan ang Ginoo namati kanako niadtong panahona usab.…
  • Deuteronomio 9:20
    Ug ang Ginoo nasuko pag-ayo kang Aaron nga andam siya nga mopatay kaniya, ug nag-ampo ako alang kang Aaron niadtong panahona usab.…
  • Deuteronomio 9:21
    Ug gikuha nako ang inyong sala, ang nating baka nga inyong gibuhat, ug gisunog kini sa kalayo, ug gidugmok ug gipinopino hangtod nga kini sama ka pino sa abog ug gisalibay nako ang abog niini ngadto sa sapa nga nagdagayday gikan sa bukid.…
  • Deuteronomio 9:22
     “Ug didto sa Tabera ug sa Masa ug sa Kibrot-hataava gipasuko ninyo ang Ginoo. …
  • Deuteronomio 9:23
     Ug sa dihang gisugo kamo sa Ginoo gikan sa Kades-barnea, nga nag-ingon, ‘Panungas kamo ug panag-iyaha ninyo ang yuta nga akong gihatag kaninyo,’ misupak usab kamo sa sugo sa Ginoo nga inyong Dios ug wala kamo motuo kaniya o motuman sa iyang tingog.…
  • Deuteronomio 9:24
    Nagmasinupakon kamo batok sa Ginoo sukad sa adlaw nga nakaila ako kaninyo.…
  • Deuteronomio 9:25
    “Busa mihapa ako sa atubangan sa Ginoo sulod sa 40 ka adlaw ug 40 ka gabii kay ang Ginoo miingon nga iya kamong laglagon. …
  • Deuteronomio 9:26
    Ug nag-ampo ako ngadto sa Ginoo, ‘O Ginoong Dios, ayaw laglaga ang imong katawhan ug ang imong panulundon nga imong giluwas pinaagi sa imong pagkagamhanan, nga imong gikuha gikan sa Ehipto pinaagi sa gamhanang kamot.…
  • Deuteronomio 9:27
    Hinumdomi ang imong mga ulipon, si Abraham, si Isaac ug si Jacob, ayaw tagda ang kagahi niining katawhan o ang ilang pagkadaotan o ang ilang sala…
  • Deuteronomio 9:28
    kay tingali unya ug ang yuta diin kami imong gikuha moingon, “Tungod kay ang Ginoo wala makahimo sa pagdala kanila ngadto sa yuta nga iyang gisaad kanila ug tungod kay siya nasilag kanila, gidala niya sila ngadto aron patyon sila didto sa kamingawan.”…
  • Deuteronomio 9:29
    Kay sila imong katawhan ug imong kabilin nga imong gikuha pinaagi sa imong dakong gahom ug sa imong bukton nga tinuy-od.’…