Holy Bible Words
Read The Bible Online

Deuteronomio 15

  • Deuteronomio 15:1
    “Sa kataposan sa matag pito ka tuig kinahanglang maghatag kamo ug kagawasan.…
  • Deuteronomio 15:2
    Ug kini mao ang paagi sa pagpagawas: ang matag usa ka tigpautang magpagawas sa iyang gipautang ngadto sa iyang isigkatawo; dili na niya paninglon kini gikan sa iyang isigkatawo ug sa iyang igsoon tungod kay ang kagawasan sa Ginoo gikapahibalo na.…
  • Deuteronomio 15:3
    Sa langyaw mahimong maningil ikaw apan sa bisan unsa nga imo nga anaa sa imong igsoon pasayloa sa imong kamot.…
  • Deuteronomio 15:4
    Apan walay kabos diha kaninyo, kay ang Ginoo magpanalangin kaninyo diha sa yuta nga gihatag kaninyo alang sa usa ka panulundon nga panag-iyahon,…
  • Deuteronomio 15:5
    Kon tumanon lamang ninyo ang tingog sa Ginoo nga inyong Dios, magbantay sa pagtuman niining tanang sugo nga akong gisugo kaninyo niining adlawa. …
  • Deuteronomio 15:6
    Kay ang Ginoo nga inyong Dios magpanalangin kaninyo sumala sa iyang gisaad kaninyo, ug pagpahulam kamo sa daghang mga nasod apan ayaw kamo panghulam. Ug magmando kamo sa daghang mga nasod apan sila dili magmando kaninyo.…
  • Deuteronomio 15:7
    “Kon diha kaninyo adunay tawong kabos, usa sa inyong mga igsoon, diha sa bisan diin sa inyong mga lungsod sulod sa inyong yuta nga gihatag kaninyo sa Ginoo nga inyong Dios, ayaw pagahia ang inyong mga kasingkasing o kumkoma ang imong kamot gikan sa imong kabos nga igsoon,…
  • Deuteronomio 15:8
    Kondili bukhara hinuon ang inyong kamot ngadto kaniya ug pahulama siya igo sa iyang gikinahanglan, bisan unsa man kini.…
  • Deuteronomio 15:9
    Pagbantay nga walay daotang hunahuna sa imong kasingkasing ug ikaw moingon, ‘Duol na ang ikapitong tuig, ang tuig sa pagpahigawas’ ug ang imong mata daotan batok sa imong kabos nga igsoon ug ikaw walay gihatag kaniya ug nagpakitabang siya sa Ginoo batok kanimo ug kini mahimong sala nimo.…
  • Deuteronomio 15:10
    Panghatag nga madagayaon kaniya ug ang imong kasingkasing kinahanglang dili magbagulbol sa diha nga maghatag ikaw kaniya tungod kay alang niini ang Ginoo nga imong Dios magpanalangin kanimo sa tanan nimong buluhaton ug sa tanan nimong atimanon.…
  • Deuteronomio 15:11
     Kay dili mawala ang mga kabos gikan sa yuta, busa nagsugo ako kanimo, ‘Bukhara ang imong kamot ngadto sa imong igsoon, sa nagkinahanglan ug sa kabos diha sa imong yuta.’…
  • Deuteronomio 15:12
     “Kon ibaligya kanimo ang imong igsoon nga usa ka Hebreo nga lalaki o usa ka Hebreo nga babaye, kinahanglang mag-alagad siya kanimo ug unom ka tuig ug sa ikapito nga tuig ipahigawas nimo siya gikan kanimo.…
  • Deuteronomio 15:13
    Ug sa diha nga imo na siyang pagawason, ayaw siya palakta nga walay dala.…
  • Deuteronomio 15:14
    Sangkapi siya nga madagayaon gikan sa imong mga karnero, ug gikan sa imong giokanan ug gikan sa dapit nga pug-anan sa mga ubas. Sumala sa pagpanalangin sa Ginoo kanimo, hatagi siya.…
  • Deuteronomio 15:15
    Hinumdomi nga naulipon ikaw didto sa yuta sa Ehipto ug ang Ginoo nga imong Dios naglukat kanimo, busa gisugo nako kini kanimo niining adlawa.…
  • Deuteronomio 15:16
    Apan kon siya moingon kanimo, ‘Dili ako mopahawa gikan kanimo,’ tungod kay nahigugma siya kanimo ug sa imong panimalay kay maayo ang iyang kahimtang diha kanimo. …
  • Deuteronomio 15:17
    Unya pagkuha ug usa ka hulihod, ug itusok kini sa iyang dalunggan ngadto sa pultahan ug siya maulipon nimo sa dayon. Mao usab kini ang buhaton nimo sa imong ulipon nga babaye. …
  • Deuteronomio 15:18
    Dili kini lisod alang kanimo sa diha nga magpagawas ikaw kaniya gikan kanimo, kay sa katunga sa bili sa usa ka sinuholan nga ulipon nag-alagad siya kanimo ug unom ka tuig. Busa ang Ginoo nga imong Dios magpanalangin kanimo sa tanan nimong buhaton.…
  • Deuteronomio 15:19
     “Ihalad sa Ginoo nga imong Dios ang tanang mga kamagulangan nga laki sa imong mga baka ug sa imong mga karnero. Ayaw pagbuhat uban sa mga kamagulangan nga laki sa imong mga baka, o tupihan ang kamagulangan nga laki sa imong mga karnero.…
  • Deuteronomio 15:20
    Kaonon nimo kini, nimo ug sa imong panimalay, sa atubangan sa Ginoo nga imong Dios sa matag tuig sa dapit nga pilion sa Ginoo.…
  • Deuteronomio 15:21
    Ug kon kini adunay tatsa, kon kini piang o buta, o adunay dakong tatsa, ayaw kini ihalad ngadto sa Ginoo nga imong Dios.…
  • Deuteronomio 15:22
    Kaona kini sa sulod sa imong mga lungsod, ang hugaw ug ang hinlo managsama nga magkaon niini, sama nga kini usa o lagsaw.…
  • Deuteronomio 15:23
     Lamang, ayaw kaona ang dugo niini; iyabo kini sa yuta sama sa tubig.…