2 Samuel 8 | Holy Bible Words

2 Samuel 8:1
Human niini gibuntog ni David ang mga Filistihanon ug giharian sila ug gikuha ni David ang Meteg-ama gikan sa kamot sa mga Filistihanon.…
2 Samuel 8:2
Iyang gibuntog ang Moab ug gisukod sila pinaagi sa pisi ug gipahigda sila sa yuta. Ang duha ka laray iyang gisukod aron patyon ug luwason niya ang usa ka laray. Ug ang mga Moabihanon nahimong mga sulugoon ni David ug naghatag ug buhis.…
2 Samuel 8:3
Gibuntog usab ni David si Hadadeser nga anak ni Rehob ug hari sa Zoba, sa diha nga miadto siya aron sa pagbawi sa iyang gahom sa suba sa Eufrates.…
2 Samuel 8:4
Ug nakuha ni David gikan kaniya ang usa ka libo ug pito ka gatos ka tigpangabayo, ug 20,000 ka sundalo nga naglakaw, ug gipamiangan ni David ang tanang mga kabayo sa mga karwahi apan nagbilin ug igo sa usa ka gatos ka karwahi. …
2 Samuel 8:5
Sa diha nga ang mga Sirianhon sa Damasco miabot aron sa pagtabang kang Hadadezer nga hari sa Zoba, gipamatay ni David ang 2,000 ka Sirianhon.…
2 Samuel 8:6
Unya si David nagbutang ug mga sundalo nga bantay sa kuta didto sa Aram sa Damasco, ug ang mga Sirianhon nahimong mga sulugoon ni David ug naghatag ug buhis. Ang Ginoo mihatag ug kadaogan kang David bisan diin siya miadto. …
2 Samuel 8:7
Ug gikuha ni David ang mga taming nga bulawan nga gidala sa mga sulugoon ni Hadadeser, ug gidala kini ngadto sa Jerusalem. …
2 Samuel 8:8
Ug gikan sa Beta ug gikan sa Berotai nga mga siyudad ni Hadadeser, si Hari David nakakuha ug daghan kaayong bronsi.…
2 Samuel 8:9
Sa diha nga si Toi nga hari sa Hamat nakadungog nga gibuntog ni David ang tibuok kasundalohan ni Hadadeser,…
2 Samuel 8:10
Gipaadto ni Toi ang iyang anak nga si Joram ngadto kang Hari David, aron sa pagyukbo kaniya ug pagpahalipay kaniya, tungod kay siya nakig-away batok kang Hadadeser ug nabuntog siya. Si Hadadeser kanunayng nakig-away batok kang Toi. Ug si Joram nagdala ug mga kasangkapan nga plata, bulawan ug kasangkapan nga bronsi. …
2 Samuel 8:11
Kini usab gihalad ni Hari David ngadto sa Ginoo, uban sa tanang mga plata ug bulawan nga iyang gihalad gikan sa tanang mga nasod nga iyang nabuntog, …
2 Samuel 8:12
Gikan sa Edom, Moab, sa mga Amonihanon, sa mga Filistihanon, sa Amalek, ug sa mga inilog kang Hadadeser nga anak ni Rehob ug hari sa Zoba.…
2 Samuel 8:13
Ug nabantog ang ngalan ni David. Ug sa pagpauli niya nakapatay siya ug napulo ug walo ka libo ka Edomhanon didto sa walog sa Asin. …
2 Samuel 8:14
Ug siya nagbutang ug mga sundalo nga bantay sa kuta didto sa Edom, sa tibuok Edom siya nagbutang ug mga sundalo nga bantay sa kuta, ug ang tanang mga Edomhanon nahimong mga sulugoon ni David. Ug ang Ginoo mihatag ug kadaogan kang David, bisan diin siya miadto.…
2 Samuel 8:15
Busa si David naghari sa tibuok nga Israel, ug si David nagpahamtang ug hustisya ug kaangayan sa tanan niyang katawhan. …
2 Samuel 8:16
Si Joab nga anak ni Zeruia maoy nangulo sa kasundalohan, si Jehosafat nga anak ni Ahilud mao ang tigsulat,…
2 Samuel 8:17
Si Zadok nga anak ni Ahitub ug si Ahimelek nga anak ni Abiatar mao ang mga pari, si Seraias mao ang sekretaryo, …
2 Samuel 8:18
Ug si Benaias nga anak ni Jehoiada maoy nangulo sa mga Keretihanon ug sa mga Peletihanon, ug ang mga anak nga lalaki ni David maoy mga pari.…