2 Samuel 23 | Holy Bible Words

2 Samuel 23:1
Mao kini ang kataposang mga pulong ni David: Ang pulong ni David nga anak ni Jesse, ang pulong sa tawo nga gibayaw sa itaas, ang dinihogan sa Dios ni Jacob ug ang minahal nga salmista sa Israel,…
2 Samuel 23:2
“Ang Espiritu sa Ginoo nagsulti pinaagi kanako, ang iyang pulong anaa sa akong dila.…
2 Samuel 23:3
Ang Dios sa Israel nagsulti, ang Bato sa Israel nagsulti kanako: Kon ang usa ka tawo maghari sa katawhan uban sa katarong, naghari diha sa kahadlok sa Dios,…
2 Samuel 23:4
Modan-ag siya diha kanila sama sa kahayag sa kabuntagon, sama sa adlaw nga nagsidlak sa kabuntagon nga walay panganod, sama sa ulan nga nagpaturok sa balili sa yuta.…
2 Samuel 23:5
Oo, dili ba ingon niini ang pagbarog sa akong balay uban sa Dios? Kay siya naghimo uban kanako sa usa ka walay kataposan nga kasabotan, maayong pagkahan-ay ug dili mausab. Kay dili ba niya palamboon ang tanan nakong tabang ug tinguha?…
2 Samuel 23:6
Apan ang mga daotang tawo sama sa mga tunok nga gisalibay, kay sila dili makuptan pinaagi sa kamot;…
2 Samuel 23:7
Apan ang tawo nga magtandog kanila, kinahanglan nga sangkap sa hinagiban nga puthaw ug puan sa usa ka bangkaw; ug sila sunogon gayod paghurot sa kalayo diha sa ilang nahimutangan.”…
2 Samuel 23:8
Kini mao ang mga ngalan sa mga gamhanang tawo nga diha kang David: Si Joseb-basebet, usa ka Takemonihanon, pangulo sa tulo; pinaagi sa bangkaw nakapatay siyag walo ka gatos sa usa lamang ka higayon.…
2 Samuel 23:9
Sunod kaniya uban sa tulo ka gamhanang tawo mao si Eleasar nga anak ni Dodo nga anak ni Ahohi. Kuyog siya ni David sa diha nga gisuklan nila ang mga Filistihanon nga nagtigom didto alang sa panag-away ug ang mga tawo sa Israel misibog. …
2 Samuel 23:10
Siya mitindog ug gipanigbas ang mga Filistihanon hangtod nga ang iyang kamot naluya, ug ang iyang kamot mitapot sa espada ug ang Ginoo naghimo ug usa ka dakong pagdaog niadtong adlawa ug ang katawhan namalik aron lamang manguha ug kasangkapan sa mga nangamatay.…
2 Samuel 23:11
Sunod kaniya mao si Samma, ang anak ni Agee nga usa ka Hararihanon. Ang mga Filistihanon nagtigom didto sa Lehi diin adunay luna nga puno sa batong, ug ang katawhan nanagan gikan sa mga Filistihanon.…
2 Samuel 23:12
Apan siya mitindog sa taliwala sa tanaman ug nanalipod niini ug mipatay sa mga Filistihanon ug ang Ginoo naghimo ug usa ka dakong kadaogan.…
2 Samuel 23:13
Ug tulo sa 30 ka pangulo nga mga tawo milugsong, ug miadto kang David sa panahon sa ting-ani ngadto sa langob sa Adullam ug ang panon sa mga kasundalohang Filistihanon nagkampo didto sa walog sa Refaim. …
2 Samuel 23:14
Niadtong higayona si David didto sa kuta ug ang kampo sa mga Filistihanon didto sa Betlehem.…
2 Samuel 23:15
Ug si David nangandoy ug miingon, “May usa unta nga mohatag kanako ug tubig nga imnonon gikan sa atabay sa Betlehem nga duol sa ganghaan!”…
2 Samuel 23:16
Ug ang tulo ka gamhanang tawo milatas taliwala sa kampo sa mga Filistihanon, ug mitimba ug tubig gikan sa atabay sa Betlehem nga duol sa ganghaan, ug mikuha niini ug gidala kini ngadto kang David. Apan siya wala moinom niini kondili gibubo kini ngadto sa Ginoo,…
2 Samuel 23:17
Ug siya miingon, “Ipalayo unta kanako, O Ginoo, nga kini akong buhaton. Imnon ba nako ang dugo sa mga tawo nga miadto ingon nga nagtahan sa ilang mga kinabuhi?” Busa wala siya moinom niini. Kining mga butanga gihimo sa tulo ka gamhanang mga tawo.…
2 Samuel 23:18
Si Abisai nga igsoon ni Joab nga anak ni Zeruia maoy pangulo sa 30. Ug gibakyaw niya ang iyang bangkaw batok sa tulo ka gatos ug gipamatay sila, ug nahimo siyang inila sama sa tulo. …
2 Samuel 23:19
Nahimo siyang labing inila sa 30 ug nahimong ilang pangulo apan wala siya makatupong sa kabantog sa tulo.…
2 Samuel 23:20
Si Benaias nga anak ni Jehoiada usa ka isog nga tawo sa Kabseel, nga nakahimo ug dagkong mga buhat, siya ang nagpatay sa duha ka ariel sa Moab. Siya milugsong usab ug nakapatay ug usa ka liyon diha sa usa ka gahong usa ka adlaw niana nga nag-ulan ug yelo.…
2 Samuel 23:21
Ug iyang gipatay ang usa ka Ehiptohanon nga ambongan. Ang Ehiptohanon may usa ka bangkaw sa iyang kamot, apan misulong si Benaias ngadto kaniya nga may usa ka sungkod ug giilog ang bangkaw gikan sa kamot sa Ehiptohanon, ug gipatay siya pinaagi sa iyang kaugalingong bangkaw. …
2 Samuel 23:22
Kining mga butanga gihimo ni Benaias nga anak ni Jehoiada ug nakahimo kaniya nga inila sama sa tulo ka gamhanang mga tawo.…
2 Samuel 23:23
Nahimo siyang inila sa 30 apan wala siya makatupong sa tulo. Ug gitudlo siya ni David nga labaw sa iyang mga bantay.…
2 Samuel 23:24
Si Asahel nga igsoon ni Joab, usa sa 30; si Elhanan nga anak ni Dodo sa Betlehem, …
2 Samuel 23:25
Si Samma nga taga-Harod, si Elika nga taga-Harod, …
2 Samuel 23:26
Si Heles nga Paltihanon, si Ira nga anak ni Ikes nga taga-Tekoa, …
2 Samuel 23:27
Si Abieser nga taga-Anatot, si Mebunai nga Husatihanon,…
2 Samuel 23:28
Si Salmon nga Ahohanon, si Maharai nga taga-Netofa, …
2 Samuel 23:29
Si Heleb nga anak ni Baana nga taga-Netofa, si Itai nga anak ni Ribai sa Gibea sa mga kaliwat ni Benjamin, …
2 Samuel 23:30
Si Benaia nga taga-Piraton, si Hidai sa mga kasapaan sa Gaas,…
2 Samuel 23:31
Si Abi-albon nga Arbatihanon, si Asmavet nga taga-Bahurim, …
2 Samuel 23:32
Si Eliaba nga taga-Saalbon, mga anak ni Jasen, si Jonatan …
2 Samuel 23:33
Ug si Samma nga Hararhanon, si Ahiam nga anak ni Sarar nga Hararhanon,…
2 Samuel 23:34
Si Elifelet nga anak ni Ahasbai nga taga-Maaca, si Eliam nga anak ni Ahitofel nga taga-Gilo,…
2 Samuel 23:35
Si Hesrai nga taga-Carmel, si Paarai nga Arbihanon,…
2 Samuel 23:36
Si Igal nga anak ni Natan nga taga-Zoba, si Bani nga Gadihanon, …
2 Samuel 23:37
Si Zelek nga Amonihanon, si Naharai nga taga-Beerot, ang tigdala sa hinagiban ni Joab nga anak ni Zeruia,…
2 Samuel 23:38
Si Ira nga Itrihanon, si Gareb nga Itrihanon,…
2 Samuel 23:39
Si Uria nga Hitihanon: silang tanan 37.…