1 Mga Hari 4 | Holy Bible Words

1 Mga Hari 4:1
Si Hari Solomon mao ang hari sa tibuok Israel.…
1 Mga Hari 4:2
Ug kini sila mao ang iyang mga tinugyanan: si Asarias nga anak ni Zadok mao ang pari;…
1 Mga Hari 4:3
Si Elihoref ug si Ahias nga mga anak ni Sisa mao ang mga sekretaryo; si Jehosafat nga anak ni Ahilud mao ang tiglista…
1 Mga Hari 4:4
Si Benaias nga anak ni Jehoiada mao ang tigmando sa kasundalohan; si Zadok ug si Abiatar mao ang mga pari; …
1 Mga Hari 4:5
Si Asarias nga anak ni Natan mao ang pangulo sa mga tinugyanan; si Zabud nga anak ni Natan mao ang pari ug higala sa hari; …
1 Mga Hari 4:6
Si Ahisar mao ang piniyalan sa palasyo; ug si Adoniram nga anak ni Abda mao ang piniyalan sa pinugos nga buhat.…
1 Mga Hari 4:7
Ug si Solomon adunay napulo ug duha ka tinugyanan sa tibuok Israel nga nagtagana ug mga pagkaon alang sa hari ug sa iyang panimalay. Ang matag tawo kinahanglan nga magtagana ug pagkaon sulod sa usa ka bulan sa usa ka tuig. …
1 Mga Hari 4:8
Ug kini mao ang ilang mga ngalan: Si Ben-hur, sa kabungtoran sa Efraim;…
1 Mga Hari 4:9
Si Ben-deker, sa Makas, sa Saalbim, sa Bet-semes ug sa Elon-bet-hanan;…
1 Mga Hari 4:10
Si Ben-hesed, sa Arubot (kaniya nasakop ang Soco ug ang tibuok yuta sa Heper);…
1 Mga Hari 4:11
Si Ben-abinadab, sa tibuok Nafat-dor (diha kaniya si Tafat nga anak nga babaye ni Solomon ingon nga iyang asawa); …
1 Mga Hari 4:12
Si Baana nga anak ni Ahilud sa Taanac, sa Megido ug sa tibuok Bet-sean nga tupad sa Zaretan, ubos sa Jesreel, ug gikan sa Bet-sean ngadto sa Abel-mehola, hangtod sa laing bahin sa Jokmeam;…
1 Mga Hari 4:13
si Ben-geber, sa Ramot-gilead (kaniya nasakop ang mga balangay ni Jair nga anak ni Manases, nga anaa sa Gilead, ug nasakop usab kaniya ang yuta sa Argob nga anaa sa Basan, 60 ka dagkong siyudad nga may mga kuta ug mga trangka nga pulos bronsi); …
1 Mga Hari 4:14
Si Ahinadab nga anak ni Ido, sa Mahanaim; …
1 Mga Hari 4:15
Si Ahimaas, sa Neftali (siya usab nangasawa kang Basemat nga anak ni Solomon);…
1 Mga Hari 4:16
Si Baana nga anak ni Husai, sa Aser ug sa Bealot; …
1 Mga Hari 4:17
Si Jehosafat nga anak ni Parua, sa Isacar; …
1 Mga Hari 4:18
Si Simei nga anak ni Ela, sa Benjamin;…
1 Mga Hari 4:19
Si Geber nga anak ni Uri, sa yuta sa Gilead, sa yuta ni Sihon nga hari sa mga Amorihanon ug ni Og nga hari sa Basan; ug usa lamang ang pangulo nga diha sa yuta sa Juda.…
1 Mga Hari 4:20
Ang Juda ug Israel ingon ka daghan sa balas nga anaa sa dagat, sila nangaon ug nanginom ug nangalipay. …
1 Mga Hari 4:21
Ug si Solomon naghari sa tanang mga gingharian gikan sa Euphrates ngadto sa yuta sa mga Filistihanon ug ngadto sa utlanan sa Ehipto. Sila nagdala ug buhis ug nag-alagad kang Solomon sa tanang mga adlaw sa iyang kinabuhi.…
1 Mga Hari 4:22
Ang pagkaon ni Solomon alang sa usa ka adlaw 30 ka kor nga pinong harina, ug 60 ka kor nga pagkaon, …
1 Mga Hari 4:23
napulo ka tambok nga baka ug 20 ka hayop gikan sa mga sibsibanan ug usa ka gatos ka karnero, gawas sa mga baye nga usa ug mga lagsaw ug gagmayng mga lagsaw nga laki ug pinatambok nga mga manok. …
1 Mga Hari 4:24
Kay siya naghari sa tibuok yuta sa kasadpan sa Eufrates, gikan sa Tipsa ngadto sa Gaza, ibabaw sa tanang mga hari sa kasadpan sa Eufrates ug siya adunay kalinaw sa tanang dapit nga naglibot kaniya. …
1 Mga Hari 4:25
Ug ang Juda ug Israel nagpuyo nga layo sa kakuyaw, gikan sa Dan ngadto sa Beer-seba, ang matag tawo ilalom sa iyang paras ug ilalom sa iyang kahoy nga igera, sa tanang mga adlaw ni Solomon. …
1 Mga Hari 4:26
Si Solomon adunay 40,000 ka kuwadra sa mga kabayo nga alang sa iyang mga karwahi, ug 12,000 ka tigpangabayo. …
1 Mga Hari 4:27
Kadtong mga tinugyanan mao ang naghatagan ug mga pagkaon matag bulan alang kang Hari Solomon ug alang sa tanan nga magkan-anan sa lamisa ni Hari Solomon. Ug wala gayoy nakulang kanila.…
1 Mga Hari 4:28
Sebada usab ug dagami alang sa mga kabayo ug sa mga tulin nga mga kabayo ang gidala nila ngadto sa dapit diin kini gikinahanglan, ang matag usa sumala sa iyang katungdanan.…
1 Mga Hari 4:29
Ug ang Dios mihatag kang Solomon sa kaalam ug pagpanabot nga dili masukod, ug lapad nga panghunahuna sama sa balas sa baybayon, …
1 Mga Hari 4:30
Mao nga ang kaalam ni Solomon milabaw sa kaalam sa tanang katawhan sa silangan ug sa tanang kaalam sa Ehipto.…
1 Mga Hari 4:31
Kay siya labaw nga maalamon kay sa tanang mga tawo, maalamon kay kang Etan nga Ezrahanon ug kang Heman ug kang Calcol ug kang Darda nga mga anak nga lalaki ni Mahol, ug ang iyang kabantog mikaylap sa tanang mga nasod nga naglibot. …
1 Mga Hari 4:32
Ug siya namulong ug tulo ka libo ka mga panultihon ug ang iyang mga awit 1,005.…
1 Mga Hari 4:33
Ug siya naghisgot mahitungod sa mga kahoy, gikan sa cedro nga anaa sa Lebanon ug hangtod sa hisopo nga miturok sa kuta. Naghisgot usab siya mahitungod sa mga mananap ug sa mga langgam ug sa mga nagkamang sa yuta, ug sa mga isda. …
1 Mga Hari 4:34
Ug ang mga tawo gikan sa tanang mga katawhan miadto aron sa pagpamati sa kaalam ni Solomon, ug gikan sa tanang mga hari sa kalibotan nga nakadungog sa iyang kaalam.…