Unya si Elias, ang Tisbihanon, sa Tisbe sa Gilead miingon kang Ahab, “Ingon nga buhi ang Ginoo, ang Dios sa Israel, nga sa atubangan ako nagtindog, walay yamog o ulan niining mga tuiga, gawas kon akong ipamulong.” …
Busa siya mitindog ug miadto sa Zarefat ug sa pag-abot niya sa ganghaan sa siyudad, dihay usa ka biyuda nga nangahoy ug gitawag niya siya ug giingnan, “Dad-i ako ug diyotay nga tubig sa usa ka sudlanan aron akong imnon.”…
Ug siya miingon, “Ingon nga ang Ginoo nga imong Dios buhi, wala akoy naluto. Usa na lang ka kumkom nga harina ang anaa sa tadyaw ug diyotayng lana nga anaa sa tibodtibod. Nangahoy ako aron mouli ug lutoon kini alang kanako ug sa akong anak nga lalaki, aron kan-on namo kini ug mangamatay.”…
Ug si Elias miingon kaniya, “Ayaw kahadlok, lakaw ug buhata ang ingon sa imong gisulti apan buhati una ako ug gamay nga torta ug dad-a nganhi kanako ug pagkahuman paghimo ug alang kanimo ug alang sa imong anak.…
Kay kini mao ang gipamulong sa Ginoo, ang Dios sa Israel, ‘Ang tadyaw sa harina dili mahutdan ug ang tibodtibod sa lana dili mahubsan hangtod sa adlaw nga ang Ginoo magpaulan ibabaw sa yuta.’ ”…
Ug siya miingon kang Elias, “Unsa may inyong nasuk-an kanako, O tawo sa Dios? Mianhi ikaw aron sa pagpahinumdom kanako sa akong sala ug sa pagpatay sa akong anak!”…
Ug siya miingon kaniya, “Ihatag kanako ang imong anak.” Ug gikuha niya kini gikan sa iyang mga bukton ug gidala siya ngadto sa lawak sa itaas, diin siya magpuyo ug gipahigda kini sa iyang kaugalingong higdaanan.…
Ug siya mituaw sa Ginoo, “O Ginoo nga akong Dios, gidad-an mo ba ug katalagman bisan ang biyuda nga akong giabotan pinaagi sa pagpatay sa iyang anak nga lalaki?” …
Ug gikuha ni Elias ang bata, ug gidala siya sa silong gikan sa lawak sa itaas ngadto sa balay, ug gihatag siya ngadto sa iyang inahan. Ug si Elias miingon, “Tan-awa, ang imong anak nabuhi.” …
