Sa pagtan-aw ni Raquel nga siya wala makahatag ug mga anak kang Jacob, nasina siya sa iyang igsoon nga babaye ug miingon siya kang Jacob, “Hatagi ako ug mga anak, kay kon dili, mamatay ako.” …
Unya si Raquel miingon, “Ania ang akong ulipon nga babaye nga si Bilha, sudla siya aron manganak siya sa ibabaw sa akong mga tuhod ug ako makabaton usab ug mga anak gikan kaniya.” …
Ug si Raquel miingon, “Gihukman ako sa Dios ug gipatalinghogan usab niya ang akong tingog ug ako gihatagan ug usa ka anak nga lalaki.” Busa ginganlan niya siya ug Dan.…
Unya si Raquel miingon, “Sa hilabihang pagpakiglayog nakigbisog ako batok sa akong igsoon nga babaye ug mipatigbabaw ako.” Ug ginganlan niya siya ug Neftali.…
Sa panahon sa ting-ani sa trigo si Ruben miadto ug nakakaplag siya ug mga mandragora didto sa kapatagan ug iya kining gidala ngadto kang Lea nga iyang inahan. Unya miingon si Raquel kang Lea, “Hatagi intawon ako sa mga mandragora sa imong anak nga lalaki.”…
Apan siya miingon kaniya, “Gamay ra bang butang ang pagkuha nimo sa akong bana? Unya kuhaon pa gayod nimo ang mga mandragora sa akong anak?” Ug si Raquel miingon, “Karong gabii, makahigda siya uban kanimo tungod sa mga mandragora sa imong anak.” …
Sa pagpauli ni Jacob gikan sa kapatagan sa pagkagabii, migula si Lea sa pagsugat kaniya ug miingon kaniya, “Kinahanglang mohigda ka uban kanako kay gibayran ko ikaw sa mga mandragora sa akong anak.” Busa siya mihigda uban kaniya niadtong gabhiona. …
Si Lea miingon, “Ang Dios naghatag kanako sa akong balos, kay gihatag nako ang akong ulipon nga babaye sa akong bana.” Tungod niini ginganlan niya siya ug Isacar. …
Unya si Lea miingon, “Ang Dios naghatag kanako ug usa ka maayong bugay. Karon motipon kanako ang akong bana kay nanganak ako alang kaniya ug unom ka anak nga lalaki.” Busa ginganlan niya siya ug Zabulon.…
Ihatag kanako ang akong mga asawa ug ang akong mga anak nga tungod kanila nag-alagad ako kanimo ug tugoti ako sa paglakaw kay ikaw nahibalo sa pag-alagad nga gihatag nako kanimo.” …
pan si Laban miingon kaniya, “Kon imo akong tugotan sa pagsulti niini, nahibaloan nako pinaagi sa panagna nga ang Ginoo nagpanalangin kanako tungod kanimo. …
Kay kaniadto diyotay pa ang imo sa wala pa ako makaanhi ug kini midaghan pag-ayo. Ug ang Ginoo nagpanalangin kanimo bisan asa ako moadto. Ug karon kanus-a man ako magtagana alang usab sa akong kaugalingon nga panimalay?”…
Siya miingon, “Unsa bay ihatag nako kanimo?” Si Jacob miingon, “Dili ka maghatag kanako ug bisan unsa. Kon buhaton mo kini alang kanako, magpasibsib na usab ako sa imong mga karnero ug mag-atiman niini.…
Hinuon paadtoa ako karon sa tanan nimong panon sa mga kahayopan ug kuhaon nako ang tanan nga kabang ug puntikpuntik nga mga karnero ug ang tanan nga itom nga mga nating karnero ug ang mga puntikpuntik ug kabang nga mga kanding ug kini mao ang akong suhol.…
Busa ang akong pagkamatinud-anon manubag unya alang kanako sa dihang tan-awon nimo ang akong suhol sa imong atubangan. Ang tanan nga dili puntikpuntik o kabang sa mga kanding, ug ang dili itom sa mga nating karnero nga makit-an nimo uban kanako isipon nga akong kinawat.”…
Apan gilain ni Laban niadtong adlawa ang mga laking kanding nga binadlisan ug kabang ug ang tanang kanding nga baye nga puntikpuntik ug kabang ug ang tanang kahayopan nga may puti ug ang tanang nating karnero nga itom ug gipiyal niya kini sa iyang mga anak nga lalaki. …
Unya mikuha si Jacob ug mga sanga nga lunhaw sa alamo, sa almendras ug sa platano, ug iyang gipanitan kini nga lap-aklap-ak aron may puti nga mga badlis diha sa mga sanga.…
Gibutang niya ang mga sanga nga iyang gipanitan atubangan sa panon sa kahayopan didto sa pasongan nga paimnanan, diin manginom ang mga panon sa kahayopan. Kay magtakmagay man sila inigpanginom nila,…
Ug gilain ni Jacob ang mga nating karnero ug iyang gipaatubang ang mga nawong sa mga panon sa kahayopan ngadto sa mga kabang ug sa tanan nga itom sa panon ni Laban. Ug iyang gilain pagbutang ang iyang panon ug wala itipon uban sa mga kahayopan ni Laban.…
Ug sa diha nga magtakmagay na ang mga himsog nga kahayopan, ibutang ni Jacob ang mga sanga sa atubangan sa mga hayop didto sa imnanan aron nga magtakmagay sila didto sa nahimutangan sa mga sanga. …
Busa ang tawo midato pag-ayo ug nakabaton ug dagkong mga panon sa mga kahayopan, ug mga ulipon nga babaye ug mga ulipon nga lalaki ug mga kamilyo ug mga asno.…
