1 Samuel 31 | Holy Bible Words

1 Samuel 31:1
Ang mga Filistihanon nakiggubat batok sa Israel, ug ang mga tawo sa Israel nanagan gikan sa atubangan sa mga Filistihanon, ug gipamatay didto sa bukid sa Gilboa. …
1 Samuel 31:2
Ug naapsan sa mga Filistihanon si Saul ug ang iyang mga anak nga lalaki ug gipatay sa mga Filistihanon si Jonatan, si Abinadab ug sa Malkisua, ang mga anak nga lalaki ni Saul. …
1 Samuel 31:3
Si Saul nagkalisod diha sa gubat, ug naigo siya sa mga tigpana nga nakaapas kaniya, ug hilabihan ka grabi ang mga samad tungod sa mga tigpana. …
1 Samuel 31:4
Unya miingon si Saul ngadto sa iyang tigdala sa hinagiban, “Ibta ang imong espada ug dunggaba ako niana, tingali unya ug kining mga dili tinuli moabot ug modunggab kanako ug binuangan ako.” Apan ang iyang tigdala sa hinagiban wala makahimo kay nahadlok siya pag-ayo. Busa gikuha ni Saul ang iyang espada ug gidunggab niya ang iyang kaugalingon. …
1 Samuel 31:5
Sa diha nga ang iyang tigdala sa hinagiban nakakita nga si Saul namatay, siya usab nagdunggab sa iyang kugalingon ug namatay uban niya.…
1 Samuel 31:6
Busa si Saul namatay, ug ang iyang tulo ka anak nga lalaki, ug ang iyang tigdala sa hinagiban, ug ang tanan niyang mga tawo niadtong adlawa. …
1 Samuel 31:7
Sa diha nga ang mga tawo sa Israel nga didto sa laing bahin sa walog ug kadtong didto sa unahan sa Jordan nakakita nga ang mga tawo sa Israel nanagan ug nga si Saul ug ang iyang mga anak nga lalaki nangamatay, ilang gibiyaan ang mga siyudad ug nanglayas, ug ang mga Filistihanon miabot ug mipuyo niini.…
1 Samuel 31:8
Sa pagkaugma, sa diha nga ang mga Filistihanon miabot aron huboan ang mga patay, ilang nakita si Saul ug ang iyang tulo ka anak nga lalaki nga nangamatay didto sa bukid sa Gilboa. …
1 Samuel 31:9
Ug gipunggotan nila siya sa ulo ug gihukasan sa mga kahimanan sa gubat, ug nagpadala ug mga sinugo sa yuta sa mga Filistihanon aron sa pagdala sa maayong balita ngadto sa ilang mga diosdios ug ngadto sa katawhan. …
1 Samuel 31:10
Unya gibutang nila ang iyang mga kahimanan sa gubat didto sa templo ni Astarot ug gigaid nila ang iyang lawas didto sa kuta sa Betsan. …
1 Samuel 31:11
Apan sa diha nga ang mga nagpuyo sa Jabes-gilead nakadungog sa gibuhat sa mga Filistihanon kang Saul,…
1 Samuel 31:12
Ang tanang isog nga tawo mitindog, ug miadto sa tibuok nga gabii ug nagkuha sa lawas ni Saul ug sa mga lawas sa iyang mga anak nga lalaki gikan sa kuta sa Bet-san ug gidala ngadto sa Jabes ug gisunog kini.…
1 Samuel 31:13
Ug gikuha nila ang ilang mga bukog ug gilubong sa ilalom sa kahoy nga tamarisko sa Jabes ug nagpuasa sulod sa pito ka adlaw.…