Deuteronomio 4

Deuteronomio 4:1
“Ug karon, O Israel, tumana ang mga lagda ug ang mga tulumanon nga akong gitudlo kaninyo, ug buhata kini aron mabuhi kamo, ug mosulod ug manag-iya sa yuta nga gihatag kaninyo sa Ginoo, ang Dios sa inyong mga katigulangan.…
Deuteronomio 4:2
Ayaw ninyo dugangi ang pulong nga akong gisugo kaninyo, ayaw kini kuhai aron matuman ninyo ang kasugoan sa Ginoo nga inyong Dios nga akong gisugo kaninyo. …
Deuteronomio 4:3
Ang inyong mga mata nakakita kon unsa ang gibuhat sa Ginoo didto sa Baal-peor, kay gilaglag sa Ginoo nga inyong Dios ang tanang tawo nga misunod sa Baal sa Peor. …
Deuteronomio 4:4
Apan kamo nga nagpabilin sa Ginoo nga inyong Dios buhi hangtod niining adlawa. …
Deuteronomio 4:5
Tan-awa, ako nagtudlo kaninyo ug mga lagda ug mga tulumanon sumala sa gisugo kanako sa Ginoo nga akong Dios, aron inyo gayong buhaton didto sa yuta diin maoy inyong sudlan aron sa pagpanag-iya niini. …
Deuteronomio 4:6
Tumana kini ug buhata ninyo kay kini mao ang inyong kaalam ug salabotan sa mga mata sa katawhan, nga sa dihang makadungog niining tanang lagda moingon, ‘Sa walay duhaduha kining dakong nasod usa ka maalamon ug maayo ug panabot nga katawhan.’ …
Deuteronomio 4:7
Kay unsa ba nga dakong nasod nga adunay usa ka dios nga duol gayod kanila nga sama sa Ginoo nga atong Dios nganhi kanato, sa diha nga magsangpit kita kaniya? …
Deuteronomio 4:8
Ug unsa ba nga dakong nasod nga may mga lagda ug mga tulumanon nga sama ka matarong niining tanang balaod nga gibutang nako sa inyong atubangan niining adlawa?…
Deuteronomio 4:9
“Pagmatngon lamang ug ampingi pag-ayo ang inyong kalag kay tingali unya ug malimot kamo sa mga butang nga nakita sa inyong mga mata, ug tingali unya ug mobulag sila sa inyong kasingkasing sa tanang mga adlaw sa inyong kinabuhi. Ipahibalo kini sa imong mga anak ug sa mga anak sa imong mga anak …
Deuteronomio 4:10
Nga niadtong adlaw nga nagtindog ikaw sa atubangan sa Ginoo nga imong Dios didto sa Horeb, kon giunsa sa Ginoo pag-ingon kanako, ‘Tigoma nganhi kanako ang katawhan aron papamation nako sila sa akong mga pulong, aron sila makakat-on sa pagkahadlok kanako sa tanang mga adlaw nga magpuyo sila sa yuta ug aron matudloan nila ang ilang mga kabataan sa ingon.’…
Deuteronomio 4:11
Ug miduol kamo ug mitindog didto sa tiilan sa bukid samtang ang bukid nagdilaab sa kalayo hangtod gayod sa langit, nga gilukop sa kangitngit, dag-om ug kangiob.…
Deuteronomio 4:12
Unya misulti ang Ginoo kaninyo gikan sa taliwala sa kalayo. Nadungog ninyo ang tingog sa mga pulong apan wala makakita ug dagway, tingog lamang ang atua didto. …
Deuteronomio 4:13
Ug siya mipahayag kaninyo sa kasabotan nga iyang gisugo kaninyo sa pagbuhat nga mao ang napulo ka sugo ug iyang gisulat kini sa duha ka papan nga bato. …
Deuteronomio 4:14
Ug ang Ginoo misugo kanako niadtong panahona sa pagtudlo kaninyo sa mga balaod ug sa mga tulumanon, aron buhaton ninyo didto sa yuta nga adtoan ninyo aron panag-iyahon.…
Deuteronomio 4:15
“Busa bantayi ninyo pag-ayo ang inyong kaugalingon kay wala kamo makakita ug dagway niadtong adlawa nga ang Ginoo nakigsulti kaninyo didto sa Horeb gikan sa taliwala sa kalayo. …
Deuteronomio 4:16
Pagmatngon kamo kay tingali unya ug magbuhat kamo sa daotan pinaagi sa pagbuhat ug kinulit nga larawan alang sa inyong kaugalingon, diha sa bisan unsang dagway sa panagway sa lalaki o sa babaye, …
Deuteronomio 4:17
sa panagway sa bisan unsang mananap nga ania sa yuta, sa panagway sa bisan unsang langgam nga adunay pako nga naglupad sa kahanginan, …
Deuteronomio 4:18
Sa panagway sa bisan unsa nga nagkamang sa yuta, panagway sa bisan unsang isda nga anaa sa tubig ilalom sa yuta. …
Deuteronomio 4:19
Ug pagmatngon kamo kay tingali unya ug sa pagyahat ninyo sa inyong mga mata sa langit ug sa dihang makita ninyo ang adlaw ug ang bulan ug ang mga bituon, ang tanang panon sa langit, madani kamo ug mosimba kanila ug mag-alagad kanila, mga butang nga gihatag sa Ginoo nga inyong Dios alang sa tanang mga katawhan ilalom sa tibuok nga langit.…
Deuteronomio 4:20
Apan ang Ginoo nagkuha kaninyo ug nagpagula kaninyo gikan sa hudno nga puthaw, gikan sa Ehipto, aron mahimo kamo nga iyang kaugalingong katawhan sama niining adlawa.…
Deuteronomio 4:21
Dugang pa, ang Ginoo nasuko kanako tungod kaninyo ug nanumpa siya nga dili ako makatabok sa Jordan ug nga ako dili usab makasulod sa maayong yuta nga gihatag kaninyo sa Ginoo nga inyong Dios ingon nga usa ka panulundon.…
Deuteronomio 4:22
Apan kinahanglan nga anhi ako mamatay niining yutaa, kinahanglan nga dili ako motabok sa Jordan. Apan kamo motabok ug manag-iya nianang maayong yuta. …
Deuteronomio 4:23
Pagmatngon kamo sa inyong kaugalingon kay tingali unya ug malimot kamo sa kasabotan sa Ginoo nga inyong Dios nga gibuhat niya uban kaninyo ug magbuhat kamo ug kinulit nga larawan sa dagway sa bisan unsa nga gidili kaninyo sa Ginoo nga inyong Dios.…
Deuteronomio 4:24
Kay ang Ginoo nga inyong Dios mao ang kalayo nga nag-ut-ot, usa ka Dios nga abubhoan.…
Deuteronomio 4:25
Sa diha nga kamo manganak ug ang inyong mga anak manganak ug matigulang na kamo didtong dapita, kon magbuhat kamo ug daotan pinaagi sa pagbuhat ug kinulit nga larawan sa dagway sa bisan unsang butang, ug pinaagi sa pagbuhat ug daotan diha sa panan-aw sa Ginoo nga inyong Dios, aron sa paghagit kaniya sa pagkasuko, …
Deuteronomio 4:26
Tawgon nako ang langit ug ang yuta aron sa pagsaksi batok kaninyo niining adlawa, nga mangahanaw gayod kamo dayon gikan sa yuta nga inyong tabokon sa Jordan aron sa pagpanag-iya niini. Dili kamo makapuyo niini ug dugay, kondili mangalaglag gayod kamo. …
Deuteronomio 4:27
Ug ang Ginoo magpatibulaag kaninyo taliwala sa mga katawhan, ug bilinan kamo ug diyotay nga gidaghanon taliwala sa mga nasod diin dad-on kamo sa Ginoo. …
Deuteronomio 4:28
Ug didto mag-alagad kamo sa mga diosdios nga binuhat sa mga kamot sa mga tawo gikan sa kahoy ug sa bato nga dili makakita, dili makadungog, dili makakaon ug dili makapanimaho.…
Deuteronomio 4:29
Apan gikan didto mangita kamo sa Ginoo nga inyong Dios ug makakaplag kamo kaniya kon mangita kamo kaniya sa tibuok ninyong kasingkasing ug sa tibuok ninyong kalag. …
Deuteronomio 4:30
Sa diha nga anaa kamo sa kalisdanan ug modangat kaninyo kining tanang mga butang sa ulahing mga adlaw, mobalik kamo sa Ginoo nga inyong Dios ug motuman sa iyang tingog, …
Deuteronomio 4:31
kay ang Ginoo nga inyong Dios maluluy-on nga Dios. Dili siya mopakyas kaninyo o molaglag kaninyo o malimot sa iyang kasabotan uban sa inyong mga katigulangan nga iyang gipanumpa kanila.…
Deuteronomio 4:32
“Kay pangutana karon mahitungod sa mga panahon nga miagi, nga diha kaniadto kaninyo, sukad sa adlaw nga gibuhat sa Dios ang tawo sa kalibotan, ug pangutana gikan sa usa ka tumoy sa langit ngadto sa lain, kon ang ingon niana ka dakong butang nahitabo ba o nadungog. …
Deuteronomio 4:33
May katawhan ba nga nakadungog sa tingog sa usa ka dios nga nagsulti gikan sa taliwala sa kalayo, sama sa inyong nadungog, ug nabuhi pa gihapon?…
Deuteronomio 4:34
May dios ba nga misulay sa pag-adto ug sa pagkuha alang kaniya ug usa ka nasod gikan sa taliwala sa laing nasod, pinaagi sa mga pagsulay, pinaagi sa mga ilhanan, pinaagi sa mga katingalahan, ug pinaagi sa gubat, ug pinaagi sa gamhanang kamot ug sa bukton nga tinuy-od, ug pinaagi sa mga dagkong kakuyaw, sumala sa mga butang nga gibuhat kaninyo sa Ginoo nga inyong Dios didto sa Ehipto sa atubangan sa inyong mga mata?…
Deuteronomio 4:35
Nganha kaninyo gipakita kini aron kamo mahibalo nga ang Ginoong Dios; wala nay lain gawas kaniya. …
Deuteronomio 4:36
Gikan sa langit gipadungog kamo niya sa iyang tingog aron kamo mapanton niya. Ug dinhi sa yuta gipakita niya kaninyo ang iyang dakong kalayo ug nakadungog kamo sa iyang mga pulong gikan sa taliwala sa kalayo.…
Deuteronomio 4:37
Ug tungod kay siya nahigugma sa inyong mga katigulangan ug nagpili sa ilang kaliwatan sunod kanila ug nagpagula kaninyo uban kaniya gikan sa Ehipto, pinaagi sa iyang dakong gahom, …
Deuteronomio 4:38
Nag-abog gikan sa inyong atubangan sa mga nasod nga dagko ug gamhanan kay kaninyo aron sa pagpasulod kaninyo, naghatag kaninyo sa ilang yuta ingon nga usa ka panulundon sama niining adlawa…
Deuteronomio 4:39
Busa hibaloi ninyo niining adlawa ug ipahiluna sa inyong kasingkasing nga ang Ginoo mao ang Dios sa langit sa itaas ug dinhi sa yuta sa ubos; wala nay lain. …
Deuteronomio 4:40
Busa tumana ninyo ang iyang mga lagda ug ang iyang mga sugo nga akong gisugo kaninyo niining adlawa aron magmaayo ang inyong kahimtang ug sa inyong mga anak nga sunod kaninyo, ug aron motaas ang inyong mga adlaw sa yuta nga gihatag kaninyo sa Ginoo nga inyong Dios hangtod sa kahangtoran.”…
Deuteronomio 4:41
Unya gigahin ni Moises ang tulo ka siyudad sa silangang bahin sa Jordan…
Deuteronomio 4:42
Aron ang makapatay ug tawo makadangop didto, ang makapatay sa iyang isigkatawo nga dili tinuyo, nga walay pagdumot kaniya sa miaging panahon, ug nga pinaagi sa pagdangop niya sa usa niining mga siyudad maluwas niya ang iyang kinabuhi:…
Deuteronomio 4:43
Ang Beser sa kamingawan sa yuta sa kapatagan alang sa mga Rubenhanon ug ang Ramot sa Gilead alang sa mga Gadhanon ug ang Golan sa Basan alang sa mga Manasehanon.…
Deuteronomio 4:44
Kini mao ang balaod nga gihatag ni Moises sa atubangan sa mga anak ni Israel. …
Deuteronomio 4:45
Kini mao ang mga pagpamatuod, mga lagda ug mga tulumanon nga gisulti ni Moises sa mga anak ni Israel sa diha nga migula sila gikan sa Ehipto,…
Deuteronomio 4:46
sa tabok sa Jordan didto sa walog atbang sa Bet-peor, sa yuta ni Sihon nga hari sa mga Amorihanon nga nagpuyo sa Hesbon, nga gilaglag ni Moises ug sa mga anak ni Israel, sa paggula nila gikan sa Ehipto.…
Deuteronomio 4:47
Sa tabok sa Jordan didto sa walog atbang sa Bet-peor, sa yuta ni Sihon nga hari sa mga Amorihanon nga nagpuyo sa Hesbon, nga gilaglag ni Moises ug sa mga anak ni Israel, sa paggula nila gikan sa Ehipto. …
Deuteronomio 4:48
Sukad sa Aroer nga diha sa daplin sa walog sa Arnon, hangtod sa Bukid sa Sirion, nga mao ang Hermon…
Deuteronomio 4:49
Ug ang tibuok nga Araba nga tabok sa Jordan dapit sa silangan hangtod sa Dagat sa Araba sa ubos sa mga bakilid sa Pisga.…